Lisolo oyo ezali komonisa ete pèlerinage ezali komipesa na nzoto oyo Nzambe asɛngi Moyisalaele. Asengeli kosala yango ata mbala moko na bomoi na ye. Bandimi basangani na esika ya qibla na bango, Mecque oyo ekumisami, oyo euti na mikili nyonso ya planɛti. Kuna basalaka milulu ya mobembo na bango ya losambo na mikolo oyo elimbolami. Bakokisaka mikano oyo Nzambe akanaki mpo na komipesa oyo ntango YE apesaki yango mibeko.

Pèlerinage ezali komipesa ya nzoto oyo Nzambe asɛngi Bamizilma. Asengeli kokokisa yango ata mbala moko na bomoi na ye. Bandimi basangani na esika ya qibla[1] na bango, Mecque oyo ekumisami, oyo euti na mikili nyonso ya planɛti. Kuna basalaka milulu ya mobembo na bango ya losambo na mikolo oyo elimbolami. Bakokisaka mikano oyo Nzambe akanaki mpo na komipesa oyo ntango YE apesaki yango mibeko. Liboso, apesaki mitindo na yango epai ya tata-motata Abrahama. AZALI kokundolisa biso na kati ya Coran: ﴾ “Bóbenga bato mpo na Pèlerinage. Bakoya epai na bino na makolo mpe na bampunda na bango ya mikemike, uta na mikili ya mosika mpenza, mpo na kozwa matomba mingi mpe kobelela nkombo ya Nzambe, na mikolo oyo etyami, ntango bakopesa mbeka makabo na bango oyo Nzambe apesi bango . Bolia yango bino moko pe boleisa babola bazangi. »[2] ﴿

Abraham atosaki solo Mibeko ya Nkolo na ye mpe bandimi bayanolaki na libiangi na ye. Bautaki na bisika nyonso ya mabele. Bazwaki tata na bango lokola ndakisa na misala na ye nyonso. Babatelaki nzela ya Abrahama, moninga ya motema ya Nzambe. Na tango ya pèlerinage na ye se moko, Prophète Mohammed asakolaki na ba pèlerins nionso : « Bovanda na esika oyo epesameli, lelo bozali kokokisa moko ya ba héritage ya Abraham.[3] »

Pèlerinage ezali likita ya mbula na mbula oyo mondimi amesana kofanda na kimia. Milulu mingi na yango esalemaka na Mokili Mosantu esika ndɛkɛ, nyama, molona mpe moto bafandaka na kimia mobimba. Profeta atelemaki makasi: “Na ntembe te, ezali Nzambe nde azwaki mokano ya kokómisa Mecque oyo ekumisami engumba Mosantu. Epekisami mpe kokata banzete, kobundisa banyama kuna mpe kosangisa biloko bibungi longola se moto oyo azali na mokumba ya kozongisa yango epai ya bankolo na yango. »[4]